Колькасць выяўленых выпадкаў заражэння каранавірусам у свеце перасягнула 40 млн. Аб гэтым сведчаць даныя, апублікаваныя 19 кастрычніка на сайце амерыканскага Універсітэта Джонса Хопкінса.
Паводле інфармацыі ўніверсітэта, колькасць інфіцыраваных складае 40 050 902, памерлі 1 113 750 чалавек, выздаравеў 27 503 601. Больш за ўсё выпадкаў заражэння зафіксавана ў ЗША (8 154 936, з іх памерлі 219 674 чалавекі), далей ідуць Індыя (7 550 273, з іх памерлі 114 610 чалавек) і Бразілія (5 224 362, з іх памерлі 153 675 чалавек).
Універсітэт Джонса Хопкінса вядзе падлікі на аснове інфармацыі міжнародных арганізацый, федэральных і мясцовых улад.