Конкурс праходзіў анлайн у сацыяльнай сетцы Instagram. Стаць яго ўдзельнікам было даволі проста: дастаткова было падзяліцца яркім крэатыўным фота на сваёй старонцы ці даслаць яго непасрэдна ў райкам.
– Усяго ў конкурсе, – расказала першы сакратар РК ГА БРСМ Алёна Лобач, – спаборнічала звыш двух дзясяткаў здымкаў. Актыўна праходзіла і галасаванне, наладжанае ў групе «Моладзь Свіслач БРСМ». Лепшае фота выбіралі ў тры этапы. У выніку найбольш сімпатый карыстальнікі соцсеткі выказалі ў падтрымку здымка Карыны Касікоўскай з аграгарадка Ханявічы (у яе першае месца). На другой пазіцыі аказалася Юлія Лобач з Дабраволі, на трэцяй – Алена Болбат з Новага Двара.
Пераможцам і прызёрам уручаны падарункавыя сертыфікаты на аказанне паслуг свіслацкай фотастудыяй «Крэатыў».
Наталля ТУРКО
Фото: БРСМ