banner
Сімвалы майго краю
14:35 20 Января’21
418
Паважаць сімвалы сваёй дзяржавы можна толькі тады, калі добра ведаеш гісторыю іх паходжання, калі беспамылкова ўмееш адрозніваць іх сярод сімвалаў іншых дзяржаў. 

Рэспубліка Беларусь – гэта краіна, дзе жыву я, жывуць мае родныя, сябры. Яе называюць Айчынай, таму што нашы бацькі, дзяды, прадзеды любілі, жылі і працавалі тут, абаранялі яе для будучых пакаленняў. Мае аднакласнікі і я з гонарам называем  Беларусь нашай Радзімай, таму што  нарадзіліся тут. Мы ганарымся яе дзяржаўнымі сімваламі, якія прыйшлі да нас з далёкага мінулага і сталі часткай гісторыі, адлюстраваннем думак і патрыятычных пачуццяў грамадзян краіны. 

Вельмі важна ведаць, паважаць гісторыю сімволікі Беларусі, а таксама сваёй малой радзімы. Гэта вобраз краю, дзе ты жывеш. Мяне і савет школьнага музея зацікавіла тэма “Сімволіка малой радзімы”.

Працуючы над праектам, мы паглыбілі веды аб дзяржаўнай сімволіцы Рэспублікі Беларусь, пазнаёміліся з сімволікай раёна. У ходзе працы над праектам  зразумелі, што для заняткаў краязнаўствам не трэба вялікіх выдаткаў, а дастаткова больш уважліва прыгледзецца да людзей, якія жывуць вакол, пакапацца ў падшыўках старых газет, здзейсніць невялікую пешую экспедыцыю па родным краі. І тады малая радзіма адкрые мноства сваіх таямніц, мноства такіх фактаў, якія выклікаюць любоў і павагу да роднай зямлі, гонар за яе гісторыю і культуру. І раптам стане зразумела, што без тваёй  малой радзімы гісторыя Беларусі была б няпоўнай, што ўся вялікая дзяржава складаецца з мноства такіх маленькіх непаўторных куткоў. Зменіцца стаўленне да роднага краю, узнікне неабходнасць беражлівага абыходжання з ім як з унікальным месцам, без якога наша Беларусь была б, несумненна, бяднейшай.

У ходзе даследчай работы мы зразумелі, што герб і сцяг кожнага горада можа расказаць пра яго гісторыю. Яны з’яўляюцца сімваламі пераемнасці, надаюць сілу і непарушнасць, адзінства і духоўную агульнасць. З цягам часу герб толькі павялічвае сваё значэнне і каштоўнасць, далучаючы да сябе вартасці і заслугі наступнага пакалення. 

Дзякуючы праекту “Сімволіка малой радзімы” мы паглыбілі свае веды па даследуемай тэме. Аб сімволіцы мы расказваем сваім сябрам і аднакласнікам, хочам, каб яны любілі сваю радзіму  так, як і мы. 

Кацярына РАМАНЧУК, вучаніца 8 класа Дварчанскага ДС БШ, член савета музея школы

Предыдущая статья

Куда ушла вода?
Похожие новости