• Культура и духовность | 27-12-2016 | Просмотров: 603 |
    Застаецца ён непаўторным

    Застаецца ён непаўторным

     

    9 снежня споўнілася 125 гадоў з дня нараджэння паэта Максіма Багдановіча. З нагоды юбілейнай даты класіка беларускай літаратуры ў бібліятэках раёна ў рамках абласной акцыі “Чытаем разам” паэтычныя радкі песняра прадэкламавалі дзясяткі чытальнікаў рознага ўзросту і прафесій.

     

    На паэтычнай гадзіне “Застаецца ён непаўторным” у Свіслацкай раённай бібліятэцы першы сакратар раённага камітэта ГА БРСМ М. В. Рудоміна разам са старшакласнікамі СШ № 2 прыгадалі факты творчай біяграфіі беларускага паэта. Усяго дзесяць гадоў пісаў таленавіты сын беларускай зямлі, але творам, якія ён паспеў падарыць народу, выпаў зайздросны лёс: да неўміручых радкоў класіка ўсё з большай сілай цягнуцца шчырыя людскія сэрцы. У зале гучалі цудоўныя радкі. Вучні эмацыянальна чыталі ўголас лепшыя паэтычныя творы Багдановіча, якія і сёння выклікаюць цікавасць: “Страцім-лебедзь”, “Цёплы вечар, ціхі вецер, свежы стог”, “Ціха па мяккай траве”, “Плакала лета, зямлю пакідаючы”. М. В. Рудоміна пранікліва прадэкламавала ўрывак з паэмы “Вераніка”.


    У Грынкаўскай бібліятэцы намеснік дырэктара па ідэалагічнай рабоце філіяла “Нязбодзічы” ААТ “Ваўкавыскі мясакамбінат” З. Т. Пелеш, майстар-наладчык філіяла М. У. Гошка разам з актыўнымі чытачамі дэкламавалі вядомыя вершы, вялі гутарку пра жыццё і творчасць Багдановіча. Літаратурная вечарына “Зорка беларускай паэзіі” застанецца добрым успамінам у памяці яе ўдзельнікаў.


    З мэтай папулярызацыі жанравай і тэматычнай разнастайнасці творчай спадчыны Максіма Багдановіча супрацоўнікі Корнадзьскай бібліятэкі – цэнтра эстэтычнага выхавання, сельскага філіяла-клуба правялі літаратурны агеньчык “І не знікнуць паэтам вечна”. Запрошаныя на свята эканаміст УСП “Новы Двор-Агра” М. І. Ганчарэвіч, настаўніца пачатковых класаў Корнадзьскага дзіцячага сада – базавай школы А. М. Жалоба, настаўніца матэматыкі І. В. Санюкевіч, выхавацель дзіцячага сада А. В. Лашкевіч разам з дзецьмі чыталі вершы “Слуцкія ткачыхі”, “Кніга”, “Зімовая дарога”, “Па-над белым пухам вішняў”, “Да мамы лячу я”, “Кешка”. У выкананні А. А. Кулініч прагучала знакамітая “Зорка Венера”.


    У Нязбодзіцкай бібліятэцы – цэнтры краязнаўства на паэтычнай вечарыне “Зорка Максіма” ў музыкальным суправаджэнні гучалі “Зорка Вянера” і “Вераніка”. Удзельнікі мерапрыемства чыталі вершы Багдановіча на тэму любові да сваёй Радзімы, узоры інтымнай і філасофскай лірыкі на беларускай і рускай мовах.


    Удзельнікі акцыі “Чытаем разам” пераканаліся ў тым, што творчасць Максіма Багдановіча заўсёды будзе захапляць аматараў беларускай літаратуры.

     

    Алена РАБЧАНКА,
    метадыст аддзела бібліятэчнага маркетынгу Свіслацкай раённай бібліятэкі.



    Добавление комментария
    ЭТО СТОИТ ПОСМОТРЕТЬ
    Наша викторина
    КОНКУРСЫ

    ПРОЕКТЫ

    НОВОСТИ БЕЛТА
    МЫ В СОЦСЕТЯХ
    НАС ЧИТАЮТ
    Flag Counter
    CurrencyRate24

    Калькулятор валют НБРБ

    Частные объявления

    НАША РЕКЛАМА

    Наше видео

    Наши общественные объединения

    Урожай-2018

    Regional news

    Клещи

    Местное управление и самоуправление

    Наши победы

    Итоги социально-экономического развития

    Велодвижение

    Туристическая привлекательность Гродненщины

    Безвизовый въезд

    Августовский канал приглашает